October 18, 2021

Ada Rata

All news in one location

ෆයිසර්ට වැඩිය සයිනොෆාම් මට විශ්වාසයි – මහාචාර්ය විතාරණ


ෆයිසර් එන්නතට වඩා සයිනොෆාම් එන්නත යම් ආරක්ෂාකාරී බව තම පෞද්ගලික විශ්වාස යැයි මහාචාර්ය තිස්ස විතාරණ සදහන් කරනවා.

වෛරසවේදය පිළිබඳව ජාත්‍යන්තරය පිළිගත් විශේෂඥයකු මෙන්ම ආණ්ඩු පක්ෂ පාර්ලිමේන්තු මන්ත්‍රීවරයෙකුද වන මහාචාර්ය විතාරණ ඒ බව සඳහන් කරන්නේ අදාළ එන්නත් දෙක නිපදවන ආකාරයේ සංසන්දනය කරමින්.

එන්නත් දෙක හදන විදිහ

ෆයිසර් එන්නත කොවිඩ් වෛරසයේම කොටස් ගෙන සකස් කරන ලබන බව පෙන්වා දෙන මහාචාර්ය විතාරණ සයින සයිනොෆාම් එන්නත අක්‍රිය කරන ලද කොවිඩ් වෛරසය උපයෝගී කරගෙන නිපදවන ලද්දක් බවයි සඳහන් කරන්නේ.

මහාචාර්ය විතාරණ විශේෂයෙන්ම මේ අදහස් පළ කළේ මෙරට දරුවන්ට කඩිමුඩියේ ෆයිසර් එන්නත ලබාදීමට තීරණය නොකළ යුතු බව පෙන්වා දෙමින්.

එය අධ්‍යයනයකින් පසු සිදුකළ යුතු බවත් මහාචාර්ය විතාරණ පෙන්වා දෙන්නේ ඇමෙරිකාවද උදාහරණයට ගනිමින්.

ඇමරිකාවේ ස්ථාවරය

ඇමරිකාව පවා ෆයිසර් එන්නත දරුවන්ට ලබාදීම සම්බන්ධයෙන් තවමත් අධ්‍යයනය කරන බවයි මහාචාර්ය විතාරණ සඳහන් කරන්නේ.

එවන් පසුබිමක රටේ අනාගතය භාර ගැනීමට සිටින දරුවන්ට එම එන්නත ලබාදීමට හදිසි නොවිය යුතු බවයි මහාචාර්ය විතාරණගේ මතය වන්නේ.

ඊට තවත් හේතුවක් මහාචාර්ය විතාරණ පෙන්වා දෙනවා.

අනාගත ප්‍රභේද

දැනට කොවිඩ් සඳහා භාවිතා කරන එන්නත් සියල්ලම හදිසි අවශ්‍යතා සඳහා භාවිතා කිරීමට ලෝක සෞඛ්‍ය සංවිධානය අවසර දී ඇති මුත් ඉදිරියේදී නව ප්‍රභේද ඇති වූවොත් ඒවායින්ද ආරක්ෂා විය හැකි එන්නත් නිෂ්පාදනය වීමට ඉඩකඩ ඇතිව තිබීමයි.

රටේ අනාගතය භාර දරු දැරියන්ට එන්නත් ලබා දීමේදී ඒ පිළිබඳවත් විශේෂයෙන් සැලකිලිමත් විය යුතු බවයි මහාචාර්ය විතාරණගේ යෝජනාව වන්නේ.

මහාචාර්ය තිස්ස විතාරණ මෙම අදහස් පළ කර තිබුණේ දිනපතා ජාතික පුවත්පතක් සමගින්.

ඔබේ ප්‍රතිචාරය කුමක්ද ?

පට්ට !

14

11.svg?v=2.6 | Gossip Lanka

අවුල් වගේ !

0

22.svg?v=2.6 | Gossip Lanka

හරි හිනා !

3

3.svg?v=2.6 | Gossip Lanka

හම්මෝ !

0

31.svg?v=2.6 | Gossip Lanka

මාර දුකයි !

4

27.svg?v=2.6 | Gossip Lanka

මලපනිනව !

0

30.svg?v=2.6 | Gossip Lanka

කුජීතයි !

3

48.svg?v=2.6 | Gossip Lanka



Source link