November 27, 2021

Ada Rata

All news in one location

දිවයිනේ පාසල් සිසුන් රැසකට කො​රෝනා


දිවයිනේ පාසල් කිහිපයක ළමුන් කිහිපදෙනකුට කොවිඩ් ආසාදිත වී ඇති බව සෞඛ්‍ය අංශ පවසයි.

බෙන්තොට, මහඔය නුවරගලතැන්න, අනුරාධපුර ප්‍රදේශවල පාසල් ළමුන්ට මෙලෙස කොවිඩ් ආසාදිත බවට තහවුරු වී තිබේ.

බෙන්තොට ප්‍ර‍දේශයේ ජාත්‍යන්තර පාසලක නේවාසිකාගාරයේ සිටි සිසු සිසුවියන් දාහත් දෙනෙකුට (17) කොවිඩ් ආසාදිත වී ඇති බවට තහවුරු වී ඇත.

ඉඳුරුව සෞඛ්‍ය වෛද්‍ය නිලධාරි කාර්යාලයේ වැඩබලන සෞඛ්‍ය වෛද්‍ය නිලධාරි රුවන් සංජිව ප්‍රකාශ කළේ ඊයේ (08) සිදු කළ රැපිඩ් ඇන්ටිජන් පරීක්ෂණවලින්ද මෙම ළමුන්ට කොවිඩ් අසාදිත බවට තහවුරු වූ බවය.

මේ වන විට එම ළමුන්ගේ ආශ්‍රිතයන් තිස්දෙනකු පමණ නිරෝධායනය කිරීමට පියවරගෙන ඇත.

මෙම ළමුන් අලුත්ගම, ඌරගස්මංහන්දිය සහ කොස්ගොඩ යන ප්‍රදේශවල පදිංචිකරුවන් බව සෞඛ්‍ය අංශ පවසයි.

මේ අතර මහඔය අධ්‍යාපන කලාපයට අයත් නුවරගල විදුහලේ ප්‍රාථමික අංශයේ සිසුන් දෙදෙනකුට කොවිඩ් අසාදිත වී ඇති බවට තහවුරු වී ඇත.

මේ හේතුවෙන් එම ළමුන් සිටි පන්තිවල ඉගැන්වීම් කටයුතු තාවකාලිකව නතර කිරීමට බලධාරින් පියවර ගෙන තිබේ.

එසේම අනුරාධපුර දිස්ත්‍රික්කයේ පාසල් පනහක පමණ සිසුන්ට සහ අනධ්‍යන කාර්ය මණ්ඩලයට කොවිඩ් ආසාදිත වී ඇති බවට ලංකා ගුරු සංගමය අනාවරණය කරයි.

එසේම එම දිස්ත්‍රික්කයේ ප්‍රාථමික අංශයේ ළමුන් රැසකටද කොවිඩ් අසාදිත වී ඇති බව මෙම සංගමය පවසයි.

මේ හේතුවෙන් පාසල් ළමුන් සහ සෙසු කාර්ය මණ්ඩලය ස්වයං නිරෝධායනයට ලක් කර තිබේ.

වරුණි පෙරමුණ

ඔබේ ප්‍රතිචාරය කුමක්ද ?

පට්ට !

0

අවුල් වගේ !

0

හරි හිනා !

0

හම්මෝ !

0

මාර දුකයි !

0

මලපනිනව !

0

කුජීතයි !

0



Source link