January 19, 2022

Ada Rata

All news in one location

දරුවන්ට අමානුෂිකව පහර දුන් පියාට ලැබුණු දඬුවම (Photo)


තම දරුවන් දෙදෙනා නිරුවත් කර ගස් බැද ඇගට මිරිස් කුඩු දමා අමානුෂික ලෙස වද හිංසා සිදු කළ පියා හැටන් පොලිසිය විසින් ඊයේ (02) රාත්‍රියේ අත්අඩංගුවට ගෙන හැටන් දිසා විනිසුරු සහ මහේස්ත්‍රාත් ඒ.එල්.හෙට්ටිවත්ත මෙනවිය වෙත ඉදිරිපත් කිරීමෙන් අනතුරුව සැකකරු මේ මස 13 වනදා දක්වා රක්ෂිත බන්ධනාගාරගත කිරීමට මහේස්ත්‍රාත්වරිය නියෝග කළා.

මෙසේ රක්ෂිත බන්ධනාගාරගත කරනු ලැබුවේ හැටන් දික්ඔය නගර සභාවේ සෞඛ්‍ය අංශයේ කම්කරුවෙකු වශයෙන් සේවය කරන කුඩාගම සමගි මාවතේ පදිංචි මුත්තයියා විජේකුමාර් (36) නැමැති සිව්දරු පියෙක්.

සැකකරු ඊයේ (02) පස්වරුවේ බීමත්ව නිවසට පැමිණ බිරිදට පහර දී දරුවන් දෙදෙනා ගසක බැද දරුවන් දෙදෙනාගේ ඇගට මිරිස් කුඩු ඉස අමානුෂික ලෙස වද හිංසා සිදු කිරීම හේතුවෙන් හැටන් පොලිසිය විසින් සැකකරු අත්අඩංගුවට ගෙන වද හිංසාවට ලක් වූ දරුවන් දෙදෙනා සහ මව වෛද්‍ය වාර්තාවක් ලබා ගැනීම සදහා දික්ඔය මුලික රෝහලට ඇතුලත් කිරිමට පියවර ගෙන තිබුණා.



Source link