October 27, 2021

Ada Rata

All news in one location

ඩොලරයට රට ඇතුළේ මිල ගණන් 3ක්…


September 5, 2021 at 3:50 pm |

ඩොලරයට රට ඇතුළේ මිල ගණන් 3ක්…

රට තුළ විනිමය අනුපාත තුනක් ක්‍රියාත්මක වන බව ඒ ගැන සිදු කළ විමර්ශනයකදී හෙළිදරව් විය.

ඉන් පළමුවැන්න අමෙරිකානු ඩොලර් සඳහා මහ බැංකුව නියම කරන විදේශ විනිමය විකිණීමේ නිල අනුපාතයයි. දැන් එය ඩොලරයකට රු. 204/-ක් පමණය. දෙවැනි විනිමය අනුපාතය ක්‍රියාත්මක කර ඇත්තේ පෞද්ගලික වාණිජ බැංකු විසිනි. එම බැංකුවලින් නිවේදනය කර ඇති පරිදි ඩොලරයක් විකුණන්නේ රු. 226/-ත් 228/-ත් අතර මිලකටය.

මෙම විනිමය අනුපාත දෙකටම අමතරව කොළඹ චැතැම් වීදිය ඇතුළු කළුකඩ වෙළෙඳපොළේ ඩොලරයක් අලෙවි වන්නේ රු. 240/-ත් රු. 250/-ත් අතර මිලකටය. මෙම නිල නොවන මූල්‍ය වෙළෙඳාම සඳහා බලපත් ලැබූ ව්‍යාපාරිකයෝද සිටිති.

එහෙත් ඔවුන් මෙයට පෙර ඩොලර් අලෙවි කළේ මහ බැංකු අනුපාතයට වඩා රුපියල් දෙක තුනක් මිල ඉහළ නංවමිනි.

රටේ වාණිජ බැංකුද මහ බැංකු අනුපාතයට සාපේක්ෂව රුපියලක දෙකක මිල වෙනසක් ඇතිව ඩොලර් අලෙවි කළේය.

පවත්නා ඩොලර් හිඟය නිසා රට තුළ මේ වන විට ඩොලර් අලෙවියට විනිමය අනුපාත තුනක් ක්‍රියාත්මකය. එසේම අනාගත වෙළෙඳපොළ සඳහා (Forward Market) ඩොලර් අලෙවිය සිදු කිරීමේදී විවිධ ඉහළ මිල අනුපාත වාණිජ බැංකු විසින් නියම කර තිබේ.

– Deshaya

26,798 views



Source link