November 29, 2021

Ada Rata

All news in one location

ජනාධිපති හා JICA සාමාජිකයින් අතර හමුවක්


ශ්‍රී ලංකාවේ සමාජ ආර්ථික සංවර්ධන අවශ්‍යතා වෙනුවෙන් සිය සහාය දෙන බව ජපාන අන්තර්ජාතික සහයෝගිතා ආයතනයේ (JICA) දකුණු ආසියානු කලාපීය අධ්‍යක්ෂ ජනරාල් සකමොතො තකෙමා මහතා (Sakamoto Takema) ජනාධිපති ගෝඨාභය රාජපක්ෂ මැතිතුමා සමඟ පවසා තිබෙනවා.

සකමොතො තකෙමා මහතා ඊයේ (16) පෙරවරුවේ ජනාධිපති මන්දිරයේදී ජනාධිපතිතුමා හමු වූ අවස්ථාවේ මේ බව ප්‍රකාශ කර තිබෙනවා.

නාගරික සංවර්ධන අමාත්‍යාංශයේ ලේකම්වරයා ව සිටියදී තමන්ට “ජයිකා” ආයතනය සමඟ එක් ව සංවර්ධන ව්‍යාපෘති රැසක් සාර්ථකව ක්‍රියාවට නැංවීමට හැකි වූ බව ජනාධිපතිතුමා සිහිපත් කළා.

1965 වසරේ සිට සංවර්ධන ව්‍යාපෘති 120ක් සඳහා ජපාන අන්තර්ජාතික සහයෝගිතා ආයතනය දායකත්වය ලබා දී තිබෙනවා.

ණය පැකේජ, ව්‍යාපෘති ප්‍රදාන, ව්‍යාපෘති නො වන ප්‍රදාන ඇතුළු විවිධ ණය යෝජනා ක්‍රම යටතේ ඊට ලබා දී ඇති මුදල ඇමරිකානු ඩොලර් මිලියන 8829ක් වනවා.

වර්තමානයේ “ජයිකා” ආධාර යටතේ සංවර්ධන ව්‍යාපෘති 14ක් දිවයින පුරා ක්‍රියාත්මක වනවා.

බලශක්ති, ජල සැපයුම් හා ජලාපවහන, වරාය, ප්‍රවාහන, සෞඛ්‍ය, විදුලි සංදේශ සහ ග්‍රාමීය සංවර්ධන අවශ්‍යතා වෙනුවෙන් වූ මෙම සංවර්ධන ව්‍යාපෘති වෙනුවෙන් ලබා දී ඇති සහනදායී ණය මුදල ඇමරිකානු ඩොලර් මිලියන 2500ක් වනවා.

මේ වන විට ක්‍රියාත්මක සංවර්ධන ව්‍යාපෘතිවල ප්‍රගතිය පැහැදිලි කළ ජනාධිපතිතුමා කෘෂිකර්ම, නිපුණතා සංවර්ධන, සෞඛ්‍ය, වාරිමාර්ග යන ක්ෂේත්‍ර වෙනුවෙන් ඉදිරි වසර සඳහා “ජයිකා” සහාය අපේක්ෂා කරන බව පැවසුවා.

ජනාධිපති ලේකම් පී.බී. ජයසුන්දර, ශ්‍රී ලංකාවේ ජපාන තානාපති හිඩෙකි මිෂුකොෂි (Hideaki Mizukoshi), ජපාන අන්තර්ජාතික සහයෝගිතා ආයතනයේ මෙරට නියෝජිත යමදා තෙත්සුයා (Yamada Tetsuya) යන මහත්වරු මෙම සාකච්ඡාවට එක් ව සිටියා. (colombotimes.lk)

Viber



Source link