November 27, 2021

Ada Rata

All news in one location

ගිනිගත් නැව දැන් අපේ.. වන්දිය ගන්නේ අපිමයි.. සහායට ආ සමාගම්වලට ගෙවන්නේ අපි ගන්නා වන්දියෙන්..


June 4, 2021 at 3:50 pm | lanka C news

ගිනිගත් නැව දැන් අපේ.. වන්දිය ගන්නේ අපිමයි.. සහායට ආ සමාගම්වලට ගෙවන්නේ අපි ගන්නා වන්දියෙන්..

කොළඹ වරාය ඉදිරියේ ගිනි ගැනීමට ලක්වූ නෞකාවේ අයිතිය දැනට පවතින්නේ ශ්‍රී ලංකා වරාය අධිකාරිය සතුව නිසා ඒ සදහා අයිතිවාසිකම් කීමට කිසිදු පාර්ශවයකට නොහැකි බව පාර්ලිමේන්තු මන්ත්‍රී එස්.බී. දිසානායක මහතා සඳහන් කරයි.

නැව ගිනි ගැනීමෙන් සිදු වූ පරිසර හානිය සහ ද්‍රව්‍යමය හානිය ගැන තවමත් තක්සේරු කරමින් ඇතැයිද ශ්‍රී ලංකාවට මිස වෙනත් රටකට මෙම නැව ගිනි ගැනීම නිසා ඇති වූ හානියට ගෙවන වන්දිය ලබා ගැනීමට ඉඩ නොදෙන බවද ඔහු පැවසීය.

දැනටමත් නාවික හමුදාව වරාය අධිකාරිය ඇතුළු රජයේ ආයතන මෙම නැව සම්බන්ධව කටයුතු කරන බවත් ඉදිරි ක්‍රියාමාර්ග සියල්ලම ගන්නේ රජයේ විසින් බවත් ඔහු කියා සිටියේය.

කිසිම අවස්ථාවක නැව නිසා සිදු වූ හානියට වන්දි ලබා ගන්නට වෙනත් කිසිදු කණ්ඩායමට ඉඩ නොතබන බවද පැවසූ ඔහු නැව ගලවා ගැනීමේ මෙහෙයුමට සහාය දුන් රටවල් සහ සමාගම් වලට යම් ගෙවීමක් කරන්නේ ශ්‍රී ලංකාව විසින් ශ්‍රී ලංකාවට ලැබෙන වන්දි මුදලින් බවද ඔහු පැවසීය.

ශ්‍රී ලංකා පොදුජන පෙරමුණ මූලස්ථානය පැවති මාධ්‍ය හමුවකදී ඔහු මෙම අදහස් පල කරන ලදී.

949 views



Source link