November 30, 2021

Ada Rata

All news in one location

කොවිඩ් නිසා පාසැල් යලි වසා දැමීමේ අවදානමක්


පාසල් තුළ පාලනය කළ නොහැකි මට්ටමින් කොරෝනාවෛරසය පැතිර යාමක් සිදුවුවහොත් පාසල් වසා දැමීමට අවශ්‍ය නිර්දේශ ලබාදීමට කටයුතු කරන බව ශ්‍රී ලංකා මහජන සෞඛ්‍ය පරීක්ෂකවරුන්ගේ සංගමය ප්‍රකාශ කර සිටිනවා.

මේ හේතුවෙන් මවුපියන් අනිසි බියක් ඇතිකර ගැනීමේ අවශ්‍යතාවක් නොමැති බව ද සංගමය සඳහන් කර සිටින්නේ.

“රාජ්‍ය සහ පෞද්ගලික අංශවල සෞඛ්‍ය උපදෙස් පිළිපැදීමේදී පවතින දුර්වලතා නිසා මේ වනවිට ආසාදිතයන් වැඩි වෙමින් පවතිනවා. මින් ඉදිරියට මේ රැල්ල හතර වැනි කොවිඩ් රැල්ල දක්වා පරිවර්තනය කර නැවත වරක් ව්‍යසනයක් ඇති කරගෙන රට වසා දමලා අධ්‍යාපන ආයතන වසා දමනවා ද කියන තීරණය තියෙන්නේ මහජනතාවගේ අතේ. ඒ නිසා මහජනතාව ඉතා දැඩිව සෞඛ්‍ය උපදෙස් පිළිපැද්දොත් අපට මේ තත්ත්වය ඉදිරියේදී පාලනය කරගත හැකි වෙයි. නමුත් දැනට හැසිරෙන ආකාරයට පාලනයකින් තොරව සෞඛ්‍ය උපදෙස් කඩකරමින් කටයුතු කළොත් නැවත වරක් හතර වන රැල්ලක ආනිශංස අපට විඳින්න වෙන එක ඉතාම පැහැදිලියි.

දරුවන් පාසල තුළට ඇවිල්ලා ආසාදිතයන් විධියට හමුවෙන්න පුළුවන්. නමුත් මවුපියන් අනවශ්‍ය බියක් ඇති කරගත යුතු නැහැ. ඒ හැම සිදුවීමක් ම අපි ඉතා දැඩිව අධීක්ෂණය කරනවා. පරීක්ෂා කරලා කඩිනම් ක්‍රියාමාර්ග ගන්නවා. යම් හෙයකින් පාසල් තුළ පාලනය කරගත නොහැකි මට්ටමින් මේ කොවිඩ් රෝගීන් පැතිරුණොත් දරුවන් අවදානමකට පත්වුණොත් අවශ්‍ය නිර්දේශ අපි ලබාදෙනවා පාසල් වසා දමන්න.

ඒ වගේ ම, ජනාධිපතිතුමාගේ අවධානය යොමු කරනවා ඕනෑ ම අවස්ථාවක පාසල් තුළ අවදානමක් ඇති වුණොත් එම පාසල් වසාදැමීම පිළිබඳව කටයුතු කිරීමට. එනිසා මවුපියන් මේ මොහොතේ අනවශ්‍ය බියක් ඇති කරගත යුතු නැහැ.”

ඔබේ ප්‍රතිචාරය කුමක්ද ?

පට්ට !

6

අවුල් වගේ !

0

හරි හිනා !

2

හම්මෝ !

1

මාර දුකයි !

0

මලපනිනව !

1

කුජීතයි !

0



Source link