December 4, 2021

Ada Rata

All news in one location

කැරොලයින් ජූරි හා පුෂ්පිකා ද සිල්වා දෙදෙනාගේම නිළ පුහුණුකරු හෙළිකරයි


Mrs Sri Lanka World 2020/21 ගැන ශ්‍රී ලංකාවේ නිල පුහුණුකරු වශයෙන් මා පලමු පියවර ලෙස මෙසේ සටහනක් තබමි.
වසර 35 කට පසු ලෝක විවාහක රූ රැජින කිරුල 2019 වර්ෂයේ කැරොලයින් ජූරි විසින් ජයග්‍රහණය කලාය.එහි ශ්‍රී ලංකාවේ පැවැත්වූ ජාතික තරගයේ ද නිල පුහුණුකරු ලෙස කටයුතු කලේ මා විසිනි. එදා සිට අද දක්වා Mrs Sri Lanka World තරගාවලියේ නිල පුහුණුකරු ලෙස මා කටයුතු කරමි.මාගේ හැකියාව කෙරෙහි විශ්වාසය තබමින් ඒ සදහා මා හට අවස්ථාව ලබා දුන් චන්දිමාල් ජයසිංහයන් හට මම ස්තූතිවන්ත වෙමි.

පසුගිය අප්‍රේල් 04 වන දින පැවැත්වූ Mrs Sri Lanka World 2020/21 අවසන් මහා තරගයේ සිදුවූ සිද්ධිය හා ඉන් පසු සිදුවූ සිද්ධිදාමය පිලිබදව මා ඉතා උපේක්ෂාවෙන් සහ නිහඩව බලාසිටියෙමි. මා එසේ නිහඩව බලා සිටියේ එම සිද්ධිය පිලිබඳ රටම පමණක් නොව මුලුමහත් ලෝකයම කතාබහට ලක්වෙන කාලසීමාවකදීය. මා විශ්වාස කලේ මේ සිද්ධිය තවදුරටත් ඉදිරියට නොයනු ඇති බව සහ මෙය සමථයකට පත්වනු ඇති බවයි.තවද මෙම තරගාවලියේ නිල පුහුණුකරු ලෙස මෙම තරගකාරියන් 20 දෙනා සමග , කැරොලයින් ජූරි සමග , ජාතික අඨ්‍යක්ශක සමග , සහ මෙම තරගයට සම්බන්ධ වූ බොහෝ අයවලුන් සමග මා ඉතා සමීපව කටයුතු කලේය. අවාසනාවකට මාගේ නිහඩබව බොහෝ දෙනා වටහාගෙන ඇත්තේ නිවට කමක් ලෙස සහ යම් පාර්ශ්වයකට පක්ෂපාතීව කටයුතු කිරීමක් ලෙසයි. එමෙන්ම සමහර පාර්ශ්ව මෙය බොරදියේ මාලුබාන තත්වයකට පත්කරගෙන ඇත. මා මීට පෙර කිසිදු මාද්‍යකට අදහස් නොදැක්වූයේ මාගේ ප්‍රකාශ හරහා බොහෝ අයවලුන් අපහසුතාවයට පත්විය හැකි නිසාවෙනි . නමුත් සමහරුන් සමාජය ඉදිරියේ ව්‍යාජ මත පතුරවමින් තමන්ගේ වැරදි වසාගැනීමට කටයුතු කිරීම ඉතා පිලිකුල් සහගත තත්වයකි. තවද සමාජ මාඨ්‍ය ඔස්සේ මේ දින වල කරලියට පැමිණ සිටින සමහර පුද්ගලයන් වීර චරිත මවාපෑමට දැඩි උත්සහයක යෙදෙන බවද දක්නට ලැබේ.

මේ සියලු දෙය දෙස මා පෙරකී පරිදි උපේක්ෂාසහගතව බලා සිටියේ රටට පෙර ගෞරවයක් ලබා දුන් මෙම වැඩසටහන් මාලාවට, මෙවරද දායකත්වයක් දෙමින් පසුගිය හතර වනදා තෙක්ම එක කණ්ඩායමක් ලෙස එකම අරමුණකින් ක්‍රියාකල සියලු දෙනා කෙරෙහිම අදටත් සිතෙහි වූ සහෝදරත්වයෙනි. නමුදු අප බොහෝදෙනා විසින් ඉතා කැපවී ගොඩනැගූ සියලු දෙය ඉතා අල්ප පිරිසකගේ ආත්මාර්ථකාමී සිතුවිලි හමුවේ ව්‍යාජ ප්‍රකාශ හමුවේ විනාශ වන අයුරු තව දුරටත් මා හට බලා සිටිය නොහැක. එබැවින් ඒ හැමදේට පිලිතුරු ලබා දීමට දැන් කාලය එලබ ඇතැයි මම සිතමි.
සිදුවූ බොහෝ දේට මාද ඇසින් දුටු සාක්ශිකරුවෙකු වෙමි. එක් කිරුලක් වෙනුවෙන් විසිදෙනෙකු තරග කලවිට එය හිමි වනුයේ එක් අයෙකුට බව අප සියලු දෙනා තේරුම් ගත යුතුය. තරගයක ස්වභාවය යනු එයය.සියලුදෙනාම තම හිස පැලදීමට සිහින දුටු කිරුල අවසානයේදී වෙන අයෙකුගේ හිසෙහි ඇති විට යම් දුකක් හට ගැනීම පෘතග්ජන අප සියලු මනුශ්‍යයන්ගේ ස්වභාවයයි. බොහෝ තරගකාරියන් එය උපේක්ෂාවෙන් විද දරාගත් බව මම දනිමි. නමුත් වෛරීසහගත අදහස් දරමින් තම රීර්ශයාසහගත සිතුවිලි පාලනය කරගත නොහැකි තරගකාරියන් කිහිපදෙනෙකු අනෙක් තරගකාරියන්ද තම අදහස් වලට නම්මාගනිමින් ඔවුන්ගේ කූටෝපාකාරී සිතුවිලිවලට අනුව ක්‍රියාකිරීමට පොලබවා ගැනීම නින්දාසහ ගතය. ඔවුන් ක්‍රියාකරනුයේ සැබැවින්ම ඔබ වෙනුවෙන්ද නැතහොත් තරාගාවලිය පුරාවට ඔවුන් ඉස්මතු කිරීමට බොහෝ දේවල් කරමින් ඔවුන්ගෙන් අයෙකුට කිරුල ලබා දී අනික් දිනුම් ස්ථානද ඔවුන් අතර බෙදා ගනිමින් තම නමද ඒ හරහා බබලවා ගැනීමේ පටු අරමුනින් සිටි, ඔවුන්ගේ පෞද්ගලික පුහුණුකාරියගේ පැවැත්ම තහවුරු කරදෙන්නටද යන්න තීරණය කිරීම අනෙක් තරගකාරියන් වන ඔබ සතුය. මෙම අවස්ථාවේදී ඔවුන් හාම එක්ව ඔවුන්ගේ මතය සපත වීමට ඉඩ හරිමින් නිහඩ පිලිවෙත අනුගමනය කලද ඔබ විසින්ම වරින් වර ඒ පිලිබදව මා හට පැමිණිලි කලබව ඔබට තවමත් අමතක වී නැතැයි මම විශ්වාස කරමි.

නුදුරු දිනයකදී මාද්‍ය හමුවක් හරහා සියලු සත්‍ය ලබාදෙන බලාපොරොත්තුවෙන් මම සමුගමි. Official Choreographer ලෙස මාගෙන් ඇසිය යුතු ඕනෑම ප්‍රශ්ණයක් Comment කරන්න . සියලු පිලිතුරු මාගේ මාඨ්‍ය සාකච්ඡාවේදී ලබාදෙමි.
තම තමන්ගේ කතාවල තම තමන් සදාරණීයකරණය කර ගැනීම සාමාන්‍ය ස්වභාවයයි. නමුත් මා මෙම තරගාවලියේ තරගකරුවෙකු හෝ විනිශ්චමණ්ඩලයේ සාමාජිකයෙකු නොවෙමි. මා එහි නිල පුහුණුකරු පමණක් වන අතර මා හට කැරොලයින් ජූරි, පුශ්පිකා ද සිල්වා, අශ්‍යා බස්නායක, දිනාලි රුවන්පතිරණ ඇතුලු සියලුම තරගකාරියන් එක සමානවේ. තරගාවලිය පුරාවට මා ඔවුන් සියලු දෙනා එකසේ පුහුනුකල බව වදනින් නොකීවද ඔවුන්ගේ හෘදසාක්ෂිය සාක්ෂි දරනු ඇත. අවසානයේදී කීමට ඇත්තේ අප සියලුම දෙනාම විශ්වය විසින් විනිශ්චය කරනු ඇති බවය.

Rukmal Senanayake
Official Choreographer
Mrs Sri Lanka world 2019/20/21





Source link