November 29, 2021

Ada Rata

All news in one location

අඹුසැමි යුවළක් ලක්ෂ 15කට විකුණන්න ගිය අමුතුම දෙය


යුරෝ මිලියනයක නෝට්ටුවක් රුපියල් ලක්ෂ 15කට අලෙවි කිරීමට සූදානම් වූ පුද්ගලයෙකු සහ කාන්තාවක් පොලිස් විශේෂ කාර්ය බළකා බුද්ධි අංශ නිලධාරීන් විසින් අත්අඩංගුවට ගෙන තිබෙනවා.

විවාහක අඹුසැමි යුවළක් මෙලෙස අත්අඩංගුවට පත්ව ඇති බව යි වාර්තා වන්නේ.

දෙමටගොඩ ගුවන් පාලම ආසන්නයේ දී මෙම අඹුසැමි යුවළ අත්අඩංගුවට ගෙන ඇත්තේ බුද්ධි අංශය භාර ස්ථානාධිපති ප්‍රධාන පොලිස් පරීක්ෂක නදීක සිල්වා මහතාට ලැබුණු තොරතුරක් මත යි.

ඔවුන් අදාළ වංචනික ගනුදෙනුවට සූදානම්ව පැමිණි විට දී මෙලෙස අත්අඩංගුවට පත්ව තිබෙනවා.

මෙම අඹුසැමි යුවළ මිනුවන්ගොඩ ප්‍රදේශයේ පදිංචිකරුවන් බව විශේෂ කාර්ය බළකාය සඳහන් කළා.

යුවළ සතුව තිබී ඇති නෝට්ටුව ඔවුන්ට ලැබී ඇත්තේ මඩකලපුව ප්‍රදේශයේ පුද්ගලයෙකු හරහා යි.

අදාළ පුද්ගලයා යුවළට පවසා ඇත්තේ එම නෝට්ටුව තමන්ට ලබා දුන්නේ LTTE සාමාජිකයෙකු විසින් බවට යි.

යුවළ සතු වූ යුරෝ මිලියනයේ නෝට්ටුව මුදල් ගනුදෙනු කිරීම් සඳහා භාවිත කළ නොහැකි, සමරු සිහිවටන නෝට්ටුවක් බව පොලිස් විශේෂ කාර්ය බලකාය සඳහන් කරනවා.

එවන් තත්ත්වයක් මත එම යුරෝ මිලියනයේ නෝට්ටුව මෙම යුවළ විසින් වංචනික ලෙස ලක්ෂ ගණනකට හුවමාරු කිරීමේ ප්‍රයත්නයක යෙදෙන බව විශේෂ කාර්ය බළකායේ නිලධාරීන්ට දැනගන්නට ලැබී තිබෙනවා.

ඒ අනුව විශේෂ කාර්ය බළකා නිලධාරීන් මෙම යුවළ සම්බන්ධ කරගෙන ඇති අතර යුරෝ මිලියනයේ නෝට්ටුව ලබාගැනීමට එම නිලධාරීන් කැමති බවට යුවළ වෙත පවසා ඇති බව සඳහන්.

එහිදී අඹුසැමි යුවළ පවසා ඇත්තේ රුපියල් ලක්ෂ 15ක් ඔවුන්ගේ බැංකු ගිණුමට බැර කරන ලෙසට යි.

යුවළ අත්අඩංගුවට පත්ව ඇත්තේ ඒ ආකාරයෙන් වංචනික ලෙස අදාළ නෝට්ටුව විකිණීමට සූදානම් වෙද්දී යි.

am

ඔබේ ප්‍රතිචාරය කුමක්ද ?

පට්ට !

0

11.svg?v=2.6

අවුල් වගේ !

0

22.svg?v=2.6

හරි හිනා !

0

3.svg?v=2.6

හම්මෝ !

0

31.svg?v=2.6

මාර දුකයි !

0

27.svg?v=2.6

මලපනිනව !

0

30.svg?v=2.6

කුජීතයි !

0

48.svg?v=2.6



Source link